Jaman Sekolah nang nDesa

  28 - Jan - 2015 -   slamet_darmaji -   11 Comments »

Jamane STM

Sekolah nang STM YPP Purworejo, jaman semana durung akeh bocah seka kidul sekolah nang STM YPP kaya dene Purwodadi Bagelen dan sekitarnya, STM YPP anane ning jalan Tentara Pelajar sing parane ngulon seka SMP1 jaman semana, dadine seka kidul kudu numpak angkutan ping pindo, aning sakwise mobil elep utawa engkel di puter metu perum Mranti bisa mangkate numpak sepisan nanging baline kudu numpak ping pindho, seka STM YPP tekan wetan alun-alun utawa tekan SMP 1, ongkose luwih boros dibanding sekolah ning STM PN utawa STM YPT.

Aku sing paling beda dewe karo kanca sak desa waktu iku sak desa mung aku sing sekolah ning STM YPP Purworejo.

Saben mlebu awan baline sore aku kudu nunggu ngkutan engkel sing jaman semana angger wis kewengen ora ana engkel dadine numpak Bis sing seka Semarang jurusan Jogja.

Aku kelingan jaman semana weruh ana Bis Sinar Saluyu sing kecelakaan ning buh Anyar kulon pesarean Bagelen, Bis’e bisa madep menduwur ngadeg jejeg ndase bis nyangkut ning kontruksi jembatan, embuh kepiye carane nek di pikir ora masuk akal, ndase bis nang nduwur madep menduwur sementara bokonge bis nangisor, kabare iku ana hubungane karo hal mistis sing angel dimengerti.

Seka critane uwong-uwong kala semana jarene bis Sinar Saluyu seka arah Jogja pas mlebu jembatan sak pendelenge supire ana wong pada bancakan utawa kepungan nang tengah jembatan tengah dalan, nanging bis’e wis kebacut mlayu banter, uwong pada kepungan iku di tabrak wae, njur dadine bis’e nyangkut nang kontruksi jembatan, untung ora ana korban jiwa.

Jamane SMP

Sekolah nang SMP swasta adoh seka ngomah kira-kira rong kilometer parane ngalor tumpakane pit utawa sepeda onthel, jaman semana aku kelas siji SMP di tukokake nang simbok pit mini warna kuning, aning wong jaman semana durung akeh wong sing pada ngledek, wong bocah lanang ditukokake pit mini sing umume digawa bocah wadon, tapi yawes tak nggo wae wong ora ana liyane.

Pit mini anyar sing isih akeh aksesorise kaya lampu ngarep ana loro, lampu mburi ana loro, nganggo dinamo barang, dadine katon apik, aning dasar nasib lagi apes, critane aku karo mbak ayuku gantian nganggo pit, pit miniku di nggo mbak ayu nang sekolah SMP negri Bagelen sing parane ngidul, dienggo sedina wae bali-bali lampune wes ilang kabeh, dikerjani karo kanca-kancane mbakayuk sing pada clutak tangane, dudu duweke aning pengen nduweni, asem tenan…( karo mecucu )

Paling sengit nang jero sekolahan ana kanca sing antop utawa glegeken bar mangan duren, ambune kaya duren bosok nang jero kelas.

Paling seneng nek ketemu utawa weruh kanca wadon sing dadi idola, maklum masa SMP iku puber pertama jarene uwong-uwong, aku ya kaya kanca liyane naksir karo sing di idolakan he he, aning mung naksir thok ora wani ngomong karo sing di senengi, maklum isih wedi karo cah wadon.

Jamane SD

SD negri Kalirejo sing saiki wes mangkrak ora ana miride jalaran uwong-uwong ndesa pada urbanisasi nang kutha lan program KB pemerintah sing bisa di arani berhasil, dadine SD Negri nang desaku sing maune ana loro saiki digabung dadi sisji, jalaran murid SD Negri saiki wis kari sethithik.

Jaman SD aku ya kaya bocah liyane kadang kadang sekolah ora nganggo sepatu alias nyeker, dolanane playon karo kanca-kanca, akeh dolanan sing nganggo playon, kaya dene betengan, uthat, dolanan bithungan lan sak panunggalane.

Jaman SD aku duwe kanca sing bisa dianggep kenthel saben dinan anane mung gojegan karo guyonan lungguh sak bangku sing mesthi pada paling ketuil ana wae sing di gawe ribut.

Kancaku SD sing sering sak bangku karo aku waktu iku jenenge Jana bocah dusun Keposong sing jarake sekilo seka SD, deweke kanca sebangku karo aku aning uga kanca gelutan, apa wae bisa ndadekake gelutan senajan mung guyonan.

Angger dewekwe bar diajak jalan jalan karo Bapake nang kuto Purworejo mesthi crita karo aku apa sing diweruhi sing katone aneh lan nggawe gumun kaya dene nek weruh mobil gede-gede mesthi njur crita, ana trek gandeng, ana trek tronton, ana trek kontainer, ana trek tengki, lan liyane.

Sawijineng dina kancaku Jana nggambar Bis gede, Bis’e apik ditulisi TURBO, deweke pamer karo aku nuduhake gambar bis mau sing ana tilisane turbo, aku penasaran takon karo Jana “ dene tulisane TURBO apa artine?”.

Jana njawabe entheng wae ujare “turuk kebo”.

Aku mung ngguyu ngakak krungu jawabane Jana, aning nganti saiki aku uga ora ngerti apa artine TURBO,,?

Apa kowe ngerti artine ?…

S. Darmaji 13 Januari 2015

NB-1 : Gambare Bis Baker wae ben kelingan jaman semana,,..aja sing turbo,..
NB-2 : Crita niki ampun dianggep saru,..
Baker

Category: blog, Tags: | posted by:slamet_darmaji


11 Responses to “Jaman Sekolah nang nDesa”

  1. Raf says:

    Hehehe… Seru critane

  2. Yoyo Sakiyoi says:

    Assalaamualaikum Wr Wb, wah pancen nek kelingan jaman biyen jan, adoh banget karo jaman saiki, jaman nyong sekolah durung ono col utowo motor anane paling sepeda ontel, kuwe sing wong tuwane biso nukokake sepeda, yen kaya awak boro boro nggo tuku sepeda nggo bayar sekolah bae ngendelake dodolan peweton bumi sing samben dino di olak alik nganggo pacul sing gowang, nanging Gusti Inkang Moho Agung luwih adil marang umate sing gelem nyukuri marang nikmate lan manut opo kang dadi perintahe, Mugo mugo bocah bocah saiki aja podo melu melu tumindak kang ora genah, ngelingono yen wong tuwo biyen podo rekoso uripe. Salam kanggo sedulur sedulur seko tlatah Bagelen. Wasalam….. Wr Wb

  3. suwarto says:

    salam kenal saya alumni stm ypp pwr th 84 , pak darmaji saya membaca ceritanya mengingatkan masa lalu,trims

  4. Mas Raf makasih sudah mampir,..
    Mas Yoyo Sukiyo maturnuwun sampun nambahi crita,,..
    Mas Suwarto,,kulo angkatan 91 LB,, adik kelas he he,…
    Mas Supriyadi maturnuwun sampun kersa mampir,..

  5. yeninurlina says:

    Makasih KI RORO…Terima kasih Atas Bantuan Angka Ritual Anda…Angka Anda Tembus 100%…kami yang udah kemana-mana mencari angka yang mantap selalu gak ada hasilnya…sampai- sampai hutang malah menumpuk…tanpa sengaja seorang teman lagi cari nomer jitu di internet…Kok ketemu alamat ghoib..Saya coba beli paket 2D ternyata tembus…dan akhirnya kami pun membeli paket 4D…Bagai di sambar Petir..Ternyata Angka Ritual Ghoib KI RORO Tembus 4D…Baru kali ini saya mendapat angka ritual yang benar-benar Mantap…Bagi saudara yang ingin merubah Nasib anda seperti saya…anda bisa Call / sms di nomer : 0853 3000 1769
    ______________________________________

    (`’•.¸(` ‘•. ¸* ¸.•’´)¸.•’´)•.¸(` ‘•. ¸•’´)¸•’´)
    «´SALAM KOMPAK SELALU..!!!`»
    (¸. •’´(¸.•’´ * `’•.¸)`’•…(¸.•’´ * `’•.¸)’•.¸)

  6. IaN'z IvoRy says:

    Buat Anda Yang Ingin Menang Angka Togel.Dengan Angka Ghoib HasiL.RituaL’ Baik di Putaran Singapura & Hongkong & Taiwan & Sidney & Malaysia-Di Jamin 99% Tembus.Silahkan Anda Klik http://angkajituakurat.blogspot.com/ Saya sudah membuktikanya shobat…!

  7. GOOD ARTICLE>>>> Mengingatkan masa lalu….. Salam dari BOS SANDAL NAMA

  8. tris budi.s says:

    Maturnuwun kangge penggiat komunitas porjo.
    nyuwun pangapunten sedulur,nek wonten sing angkatan 73 STM “dung kebo” lan SMEA Penabur. sy sdh lupa babar blas temen2 saya karena cuma 6 bulan disana, soale kecelakaan sepeda baru sembuh stlh 3 bulan.
    Monggo.

  9. Jooss ARTICLE lur .. mengingat masa lalu jamane sekolah .. salam kenal dulur

  10. Matur suwun dulur ..

Komentar dengan Facebook

Leave a Comment

Click here to cancel reply.

 

Related Post

Daftar Logo Blogger Purworejo

12 - Mar - 2008 | meds | 3 Comments »

Ketika Kita Gagal Mempertahankan Kemerdekaan Ekonomi

16 - Aug - 2013 | indra.ngombol | 6 Comments »

PEMILIHAN LURAH

13 - Apr - 2013 | massito | 23 Comments »

MUDIK LEBARAN

23 - Sep - 2008 | massito | 6 Comments »

Awas Nyamuk Demam Berdarah

26 - Jun - 2013 | Adi Degreen | 4 Comments »

© copyleft - 2015 by Blogger Purworejo
Theme by: azimat.net